Februari 2007 - TropicTech i testem finis wan teknik blong mekem masin blong kokonat oel we emi stret long smol vilij.  Teknik ia emi meltem aeon long wan smol dram blong faea.  Bambae kampani oli trening wan wan man long vilij blong yusum teknik ia.  Man ia tu emi save karem save blong fiksim ol masin ia mo mekem gud taem oli brokdaon.

Septemba 2006 – Long manis ia TropicTech emi winim wan niu fasin blong masin blong mekem kokonat oel.  Masin is emi wok long han nomo, emi no nidim enjin o elektrik mo emi winim plante kokonat oel.  Emi yusum grin kopra nomo so i nomo gat nid blong mekem drae kopra.  Masin i no sas mo emi stret long mane blong wan wan man we oli save pem.  I no gat wan narafala kampani  o narafala grup long wol we oli gat wan masin olsem.

Ogis 2006 – Long manis ia wan tim blong TropicTech emi bin go long Hawaii blong testem wan niu teknik blong karemaot kokonat oel long melek blong kokonas.  Teknik ia emi no nidim elektrik o ani kaen masin o faea.  Oli yusum wan samting we oli karem long bus nomo mo oli putum long melek blong kokonas.  Oli finem se teknik ia emi spilitim wota mo oel i go wan wan.  Mo emi isi nomo blong kapsaedem oel mo lego wota i stap.  Teknik ia emi stret long olgeta long rural eria.

Novemba 2005 – Masta blong TropicTech emi bin go
stap wan wik long Notwes Ambae blong lukluk situasen
blong ol pipol long rural eria.  Em i bin mekem plante
kontak long wei mo emi finem se oli redi blong mekem
wan pilot projek long saed blong developmen. Long futa
bae kampani emi wok witim ol sekis vilij ia blong
introdusem ol teknik mo project blong olgeta.

Mei 2005 – TropicTech oli bin sendem Masta Dale
Hampshire blong emi go stap long Vanuatu tri wik
blong lukluk situasen long saed blong kokonat oel projek. 
Em i bin luk planti man long gavman mo long privat
kampani mo emi toktok witi Minista blong Faenans, mo Minista blong Enerji.  Tu memba blong palamen oli bin lukluk em long saed blong kokonat oel projek long rural eria.  Masta Hampshire em i repot se i gat bigfala interes long saed blong mekem kokonat oel long vilij mo TropicTech i mas kam long Vanuatu blong statem projek.